Huzoor Taajushshariah Ki Aawaz Me Naat Shareef Download Kijiye(Basay hain jab se Madinay ke khaar Aankhon Mein)
Download
Download
Basay hain jab se Madinay ke khaar Aankhon Mein
Hua hai Sehn-e-Chaman khaar zaar Aankhon Mein
Kuch aisa karday meray Kirdigar Aankhon Mein
Ke jalwagar rahay woh Gul Ezaar Aankhon Mein
Wo lala rukh ho agar jalwa baar Aankhon Mein
Bahaar-e-Lala ho phir paayedaar aankhno mai
Nazar yeh kehti hai be Ikhtiyaar Aankhon Mein
Inhain jo dekhain wohi hai hazaar Aankhon Mein
Inhain na dekha tou kis kaam ki hai ye Aankhien
Ke dekhnay ki hay saari bahaar Aankhon Mein
Abhi ho Rookash-e-Arsh-e-Bareen nazar mein
Jo aaey Arsh Nasheen Taajdaar Aankhon Mein
Nazar hai Rashk-e-Nazar Iftikhaar Aankhon Mein
Jisay karay wo Nazar Ikhiyaar Aankhon Mein
Bana'en dil ko wo ghar rah guzaar Aankhon Mein
Nazar ho kadmon pe inkay nisaar Aankhon Mein
Guzar ho inka kabhi be-Qaraar Aankhon Mein
Guhar hon Nazr-e-Qadam ashk baar Aankhon Mein
Khich aaee Jaan paey Intezaar Aankhon Mein
Karam se lijiye ab tou Qaraar Aankhon Mein
Karam se Jalwa karay jab nigaar Aankhon Mein
Khich aaey saari chaman ki bahaar Aankhon Mein
Phir aayen din meray AKHTER Shab-e-Huzoori mein
Karam se jalwa Karay jab Nigaar Aankhon Mein
Nighah-e-Mufti-e-Aazam ki hai ye Jalwagari
Chamak raha hay jo AKHTER hazaar Aankhon Mein
